weather-image
×

Von sülmst

WI KÖRT PLATT

veröffentlicht am 26.11.2009 um 19:00 Uhr
aktualisiert am 26.05.2011 um 11:56 Uhr

sülmst: selbst boben: oben

wossen: wuchsen

Eole: Alte

sprüttchen: sprühen Dörnanner: Durcheinander

Tilleuseken: Schneeglöckchen Vijöleken: Veilchen

geel: gelb

Placken: Fleck

wiethen: weithin Fiffi Voss vertellt

1Je öller man weert, desto mehr hänget man an sienen Garen“, säe al mien Greotvader. Hei make jümmer, wenn hei abents noch seo kaputt iut sienen Steinbruch kam, seo’n lüttjen Bummel dör sienen Garen hinnerrn Hiuse. Boben in düssen Garen plätschere seo’n lüttjen Bach. Water was alseo geneog da. Veier Twetschenböme stunden da anne lang un düsse Bach sorge denn dafor, dat dei Twetschen in jeden Jahr prächtig wossen. „Tja“, meine denn de Eole, „Water mosste jümmer geneog hebben in dienen Garen, ohne Water wässet nix!“

Tja, niu bün ek ook al seo’n eolen Garenfründ, hebbe aberst kein einen Bach, nee, ek mott mien Water iut’n Rägentunnen halen, dei ek oberall upestellt hebbe, oder iut de Waterleitunge orntlich sprüttjen.

Na jaa, ohne Fleiß kein einen Preis, säen al dei eolen Luie. Seo’n betjen mosste al deon, wenn diu en smucken Garen hebben wutt! Aber, glöffstet oder glöffstet nich, et kümmt in’n Garen ook mannichet von sülmst.

Wenn ook einen von mienen Naabers eseggt hett: „Düt Dörnanner, dat suiht aberst iut!“ Ek late se ruhig meckern, ek freuhe mek in jeden Freuhjahr we’er ober dei veelen Oberraschungen: Da finnste oberall greote Plackens von Tilleuseken, Marzenbechern, Vijöleken un Lerchensporn. Niu in’n Mai, iusen Wonnemaand, blomet dei Margeriten, dei Akelei, dei Vergissmeinnicht, dei geele Mohn un nix davon hebbe ek eplantet, allet is von sülmst ekomen. Dei Vagels un de Wind hebbet se brocht. Midden in miene Wisch staht denn up’n Stutz seo bunte Plackens. Un ek late se einfach stahn! Is bie mek nix mee seo’n „gepflegten Rasen“! Na jaa, gistern mosste ek aber doch veele bunte Geranien in miene eolen Tröge planten, düt wolle geern miene Ehegeliebte. Dei lüchten niu ook wiethen, genau seo as miene ober veertig Jahrende eolen Rhododendrenbüsche! - Suihste woll, seo’n betjen reguleern mosste denn doch, wenn diu seo’n lüttjen Kommandeur in’n Hiuse hest!




Weiterführende Artikel
    Anzeige
    Anzeige
    Anzeige